پاک امریکا اسٹریٹجک ڈائیلاگ کے ایجنڈے پرغور

اسلام آباد:  واشنگٹن میں چوبیس مارچ کو ہونے والے پاک امریکا اسٹریٹجک ڈائیلاگ میں اقتصادی، دفاعی، سلامتی اور سماجی شعبوں کا احاطہ کیا جائے گا۔اسلام آباد میں وزیراعظم یوسف رضا گیلانی کی زیر صدارت اجلاس میں پاک امریکا اسٹرٹیجک ڈائیلاگ کیلئے جامع، مربوط حکمت عملی وضع کرنے سمیت مختلف امور پر غور کیا گیا۔ اجلاس میں آرمی چیف جنرل اشفاق پرویز کیانی ،راجا پرویز اشرف،،،شہناز وزیرعلی، خارجہ، تعلیم اور داخلہ سمیت متعدد وزارتوں کے سیکرٹریز او دیگر سینئر فوجی و سول حکام نے شرکت کی۔ وزیراعظم نے کہا کہ ان اسٹرٹیجک ڈائیلاگ کا مقصد عوامی سطح پر اسٹرٹیجک تعلقات کو فروغ دینا ہے تاکہ اعتماد کا فقدان دور ہو سکے۔ انہوں نے کہا کہ وہ طویل المیعاد پاک امریکا تعلقات کیلئے ٹھوس فریم ورک وضع کرنا چاہتے ہیں۔ انہوں نے متعلقہ وزارتوں کو ہدایت کی کہ وہ ترجیحی شعبوں کی واضح نشاندہی کریں جنہیں امداد اور تکنیکی معاونت درکار ہے۔