حکومتی شخصیات پر کالعدم تنظیموں کی حمایت کا الزام

لاہور: امامیہ اسٹوڈنٹس فیڈریشن نے الزام عائد کیا ہے کہ بعض اہم حکومتی شخصیات کالعدم تنظیموں کی حمایت کر رہی ہیں۔لاہور میں آئی ایس او کے مرکزی صدر عادل بنگش نے پریس کانفرنس سے خطاب میں کہا کہ امامیہ اسٹوڈنٹس آرگنائزیشن ایک پرامن تنظیم ہے، وزیر داخلہ رحمان ملک اپنا بیان واپس لیں۔ انہوں نے پنجاب کے وزیر قانون رانا ثناء اللہ پر الزام عائد کیا کہ وہ ایک کالعدم تنظیم کی سرپرستی کر رہے ہیں اور یہی تنظیم لاہور میں بم دھماکوں میں ملوث ہے۔ عادل بنگش نے وزیراعظم یوسف رضا گیلانی سے مطالبہ کیا کہ کالعدم تنظیموں کی حمایت کرنے والے وزراء کو ہٹا کر ان کی جگہ غیر جانبدار عوامی نمائندوں کو عہدے دیئے جائیں۔