سرحد میں حالات تبدیل ہو رہے ہیں‘ مشاہد

پشاور: مسلم لیگ ق کے مرکزی جنرل سیکریٹری مشاہد حسین نے کہا کہ سرحد میں حالات تبدیل ہورہے ہیں جس سے پاکستان کو فائدہ پہنچے گا۔ پشاور میں میڈیا سے بات چیت میں مشاہد حسین نے کہا کہ عالمی طاقتوں پر واضح ہوگیا ہے کہ طاقت سے نہیں بلکہ بات چیت کے ذریعے ہی مسائل حل ہوسکتے ہیں۔ انہوں نے کہا کہ ایشیا میں تجارت اور معیشت مضبوط ہورہی ہے اور اکیسویں صدی ایشیا کی صدی کہلائے گی۔ مشاہد حسین نے کہا کہ پاکستان میں قیام پذیر چین کا ہر باشندہ سفیر کی حیثیت رکھتا ہے۔