لاہور:صدر کے دو عہدے، بینچ تشکیل

لاہور: صدر کے دو عہدوں کے خلاف پٹیشن پر لاہور ہائیکورٹ کا نیا فل بنچ تشکیل دے دیا گیا ہے،جو انیس مارچ سے کیس کی سماعت کرے گا۔اے کے ڈوگر ایڈووکیٹ نے صدر کے دو عہدوں کے خلاف لاہور ہائیکورٹ میں آئینی پٹیشن دائر کر رکھی ہے۔اس سے پہلے جسٹس شیخ عظمت سعید کی طرف سے کیس کی سماعت سے معذرت کے بعد بنچ تحلیل ہو گیا تھا۔ چیف جسٹس لاہور ہائی کورٹ نے نیا بنچ تشکیل دے دیا ہے جو انیس مارچ سے پٹیشن کی سماعت شروع کرے گا۔ جسٹس اعجاز احمد چوہدری کی سربراہی میں بنائے گئے فل بنچ میں جسٹس افتخار حسین چوہدری، جسٹس عمر عطا بندیال، جسٹس اقبال حمید الرحمان اور جسٹس اعجاز الاحسن شامل ہیں۔