بلدیاتی نظام پرتجاویز: ایم کیو ایم اتوارکوجواب دیگی

کراچی: سندھ کے وزیر بلدیات نے کہا ہے کہ متحدہ قومی موومنٹ اتوار کو نئے بلدیاتی نظام پر تجاویز کا جواب دے گی۔کراچی میں احتساب عدالت کے باہر میڈیا سے بات چیت کرتے ہوئے صوبائی وزیر بلدیات آغا سراج درانی نے کہا کہ صوبائی حکومت بلدیاتی انتخابات کرانے کے وعدے پر قائم ہے۔ اس سے پہلے آغا سراج درانی نیب ریفرنس کے سلسلے میں احتساب عدالت میں پیش ہوئے۔ آج ان کے خلاف ریفرنس میں فیصلے کی توقع تھی تاہم جج صاحب کی طبیعت ناساز ہونے کی بناپر فیصلے کا اعلان بیس مارچ تک ملتوی کردیا گیا۔