شیعہ سنی فسادات کی کوشش کی جار ہی ہے، رحمان

اسلام آباد: وزیر داخلہ رحمان ملک نے کہا ہے کہ پاکستان میں گزشتہ دس سال سے دہشت گردی کے واقعات رونما ہورہے ہیں، اب شیعہ سنی فسادات کرانے کی کوشش کی جارہی ہے۔اسلام آباد میں میڈیا کے نمائندوں سے بات چیت کرتے ہوئے رحمان ملک نے کہا کہ ہمارے پاس اطلاع تھی کہ بعض عناصر دو مذہبی گروہ میں تصادم کرانا چاہتے ہیں۔ وزیرداخلہ کا کہناتھا کہ علماء کرام کی کوششوں سے سازش کو ناکام بنایا جارہا ہے۔ رحمان ملک نے مزید کہا کہ پنجاب میں دہشت گردی کی روک تھام پر دی گئی وارننگ کو ہلکا نہ لیا جائے، وارننگ پر ایکشن بھی لیا جائے گا۔ انہوں نے کہا کہ سرحد پر راہ داری کا نظام غلط طریقے سے استعمال کیا گیا۔