افغان صدرکی عافیہ کی رہائی میں مدد کی یقین دہانی

ملتان: افغان صدر حامد کرزئی نے وزیرداخلہ کو یقین دہانی کرائی ہے کہ وہ ڈاکٹر عافیہ صدیقی کی رہائی کے لئے کردار ادا کریں گے۔یہ بات ڈاکٹر عافیہ صدیقی کی بہن فوزیہ صدیقی نے ملتان ائیر پورٹ پر میڈیا سے بات چیت کرتے ہوئے کہی۔ انہوں نے کہا کہ ڈاکٹر عافیہ کے خلاف کسی ٹھوس ثبوت کے بغیر کارروائی کی گئی۔ امریکی قیدخانوں میں ان سے غیر انسانی سلوک کیا جارہا ہے اور انہیں اپنے دفاع کیلئے وکیل کرنے کی بھی اجازت نہیں دی جارہی۔ ان کا کہنا تھا کہ عافیہ صدیقی کیس عالمی عدالت میں جانے سے انصاف مل سکتا تھا، لیکن حکومت نے اس ضمن میں کوئی سفارتی کوشش نہیں کی۔ انہوں نے کہا کہ اب بھی اگر وزارت خارجہ بہتر حکمت عملی اختیار کرے تو ڈاکٹر عافیہ کی رہائی ممکن بنائی جاسکتی ہے۔