اسلام اقلیتوں کے حقوق کا محافظ ہے، رانا اقبال

لاہور: اسپیکر پنجاب اسمبلی رانا اقبال نے کہا ہے کہ اسلام اقلیتوں کے حقوق کا محافظ ہے، پاکستان میں اقلیتیں خود کو مکمل طور پر محفوظ سمجھتی ہیں۔ ان خیالات کا اظہار انہوں نے لاہور میں برطانوی ہائی کمشنر ایڈم تھامسن سے ملاقات کے دوران کیا۔ انہوں نے کہا کہ پاکستان دہشت گردی کے خلاف جنگ میں اہم کردار ادا کر رہا ہے۔ انہوں نے برطانوی ہائی کمشنر کو پنجاب حکومت کی جانب سے غربت، جہالت کے خاتمے، عوام کو صحت و تعلیم کی بنیادی ضروریات کی فراہمی کے حوالے سے آگاہ کیا۔ برطانوی ہائی کمشنر نے کہا کہ برطانیہ پاکستان میں سرمایہ کاری کے مواقعے سے فائدہ اٹھائے گا۔ اس موقع پر رانا محمد اقبال نے مسٹر ایڈم تھامسن کو اسمبلی شیلڈ پیش کی۔