پندرہ اضلاع میں غربت کا سروے مکمل

اسلام آباد: بے نظیر انکم سپورٹ پروگرام کے تحت بلوچستان کے بیاسی اضلاع میں غربت کا سروے جون تک مکمل کر لیا جائے گا، فرزانہ راجا کا کہنا ہے کہ ملک کے پندرہ اضلاع میں سروے مکمل ہو چکا ہے جس کے تحت چھ لاکھ افراد پروگرام سے مستفید ہو رہے ہیں۔اسلام آباد میں میڈیا سے بات چیت کرتے ہوئے بے نظیر انکم سپورٹ پروگرام کی چیئر پرسن نے بتایا کہ بجٹ میں پروگرام کے لئے ستر ارب روپے مختص کئے گئے تھے اور اب تک تینتالیس ارب روپے خرچ کئے جا چکے ہیں۔ فرزانہ راجا کا کہنا تھا کہ پروگرام میں شفافیت کے لئے ملک بھر میں نجی شعبے کے تعاون سے گھر گھر غربت سروے کیا جا رہا ہے۔ انہوں نے بتایا کہ بے نظیر انکم سپورٹ پروگرام کی اگلی منصوبہ بندی میں ہر خاندان کے ایک فرد کو ووکیشنل اور ابتدائی طبی امداد کی تربیت دی جائے گی۔