کشمیری پاکستان کے مخالف نہیں، راجا فاروق

مظفرآباد: آزاد کشمیر کے وزیر اعظم راجا فاروق حیدر نے کہا ہے کہ چین،بھارت اور پاکستان جیسی ایٹمی قوتوں کے درمیان خود مختار کشمیر قائم نہیں رہ سکتا۔ کے ایچ خورشید کی برسی پر مظفرآباد میں تقریب سے خطاب کر تے ہوئے راجا فاروق حیدر نے کہا کہ کو ئی بھی کشمیری پاکستان کا مخالف نہیں۔ انیس سو تہتر میں پاکستان کے آئین میں جو اختیار ات دئیے گئے وہ چوہتر کے ایکٹ میں ترمیم کرکے واپس لے لئے گئے اور آج جب آئینی حقوق کی بات کرتے ہیں تو پاکستان کا مخالف قرار دے دیا جاتا ہے۔ آزاد کشمیر کے صدر راجا ذوالقرنین خان اور لبریشن لیگ کے صدر عبدالمجید ملک نے کہا کہ قائد اعظم کے سیکرٹری کے ایچ خورشید نے کشمیریوں کو آزادی دلانے میں اہم کردار ادا کیا۔