کراچی: واٹر کورسز ملازمین کا دھرنا ختم

کراچی: کراچی میں نیشنل پروگرام فار امپروومنٹ آف واٹر کورسز کے ملازمین نے وزیر اعظم کی یقین دہانی پر کراچی پریس کلب کے باہر دھرنا سات دن بعد ختم کردیا۔مسلم لیگ ق کی رہنماء ماروی میمن نے دھرنا ختم کرنے سے پہلے میڈیا کو بتایا کہ وزیر اعظم نے ٹیلی فون پر ان سے گفتگو میں تمام معاملات حل کرنے کی یقین دہانی کرائی ہے۔ ماروی میمن نے کہا کہ دھرنا دینے والوں کے خلاف کوئی انتقامی کارروائی نہیں ہوگی اور مقدمات واپس لئے جائیں گے۔ انہوں نے امید ظاہر کی کہ تمام سیاسی جماعتیں ملازمین کی بحالی کے عمل کی نگرانی کریں گی۔ماروی میمن نے کہا کہ ملازمین کی بحالی کا عمل صوبائی سطح پر ہوگا جس کی نگرانی وہ خود کریں گی۔