گورنر پنجاب کا جلسہ: کالعدم مذہبی تنظیم رہنما کا خطاب

بہاولنگر: حکومت پنجاب نے الزام لگایا ہے کہ گورنر سلمان تاثیر کے بہاول نگر میں جلسے کے دوران کالعدم مذہبی تنظیم کے رہنما نے پیپلز پارٹی کی حمایت کا اعلان کیا ہے۔حکومت پنجاب کے مطابق بہاول نگر کے علاقے فورٹ عباس میں پیپلزپارٹی کے جلسے سے پہلے گورنر پنجاب کی کالعدم تنظیم کے عہدیدار راؤ خالد جاوید سے ملاقات ہوئی۔ جلسے میں گورنر پنجاب سلمان تاثیر، سینئر وزیر راجہ ریاض اور راؤ خالد نے خطاب کیا۔ ضمنی الیکشن کے دوران پیپلز پارٹی کے امیدوار کاشف نوید نے کالعدم تنظیم سے وعدہ کیا کہ وہ منتخب ہوکر نظام مصطفی کے نفاذ کا بل اسمبلی میں پیش کریں گے، اس سلسلے میں ایک اقرار نامہ بھی جاری کیاگیا ہے۔