راولپنڈی:ڈکیتی ،ڈاکو بچے کو لے گئے

راولپنڈی: راولپنڈی میں مسلح ڈاکو واردات کے بعد جاتے ہوئے پانچ ماہ کا بچہ اٹھا کر لے گئے اور ایک کروڑ روپے تاوان کا مطالبہ کر دیا۔پیر کی رات نامعلوم مسلح افراد نے شمس آباد کے ایک گھر میں حماد اور اس کی اہلیہ کو گن پوائنٹ پر یرغمال بنا کر نقدی اور زیورات لوٹ لئے۔ ڈاکووٴں نے اہل خانہ کو انجکشن لگا کر بیہوش کیا اور رات اس کے گھر میں ہی رہے۔ منگل کی صبح ڈاکو جاتے ہوئے حماد کے پانچ ماہ کے بیٹے حمزہ کو بھی ساتھ لے گئے اور اس کی بازیابی کے لئے ایک کروڑ روپے تاوان کا مطالبہ کیا۔ حماد کے کرایہ دار انور عباسی نے میڈیا کو بتایا کہ پیر کی رات چیخ و پکار کی آواز سن کر انہوں نے حماد سے رابطہ کیا تو اس نے بتایا کہ سب خیریت ہے۔ پولیس نے تا حال مقدمہ درج نہیں کیا۔