متحدہ لاہور زون کی رکنیت سازی مہم کا آغاز

لاہور: متحدہ قومی موومنٹ لاہور زون نے رکنیت سازی مہم کا آغاز کر دیا ہے۔ ایم کیو ایم لاہور زون کی رکنیت سازی کا افتتاح ممبر قومی اسمبلی ڈاکٹر ندیم احسان نے کیا۔ پارٹی کے مرکزی آفس میں شروع ہونے والی رکنیت سازی مہم کے موقعے پر لاہور کے شہریوں نے ممبر شپ فارم بھر کر ایم کیو ایم کی رکنیت حاصل کی۔ اس موقعے پر زونل انچارج رانا یونس ، سید شاہین گیلانی ، مبین الدین ، باجی پروین اختر اور لاہور زون کے دیگر عہدیداران بھی موجود تھے۔ اس موقعے پر ڈاکٹر ندیم احسان نے کہا کہ اس ممبر سازی کا مقصد ملک کے اٹھانوے فیصد غریب عوام کے نمائندوں کو اسمبلیوں تک پہنچانا ہے۔ انہوں نے کہا کہ ملک کے غریب لوگ الطاف بھائی کی فکر اور فلسفے پر لبیک کہتے ہوئے دھڑا دھڑ ایم کیو ایم میں شامل ہو رہے ہیں۔