بلوچستان: ایف سی کی تعیناتی کی درخواست

کوئٹہ: بلوچستان پولیس نے کوئٹہ ، خضدار ، تربت اور حب میں عوام کے جان و مال کے تحفظ کیلئے ایف سی تعینات کرنے کی درخواست کر دی۔ انسپکٹر جنرل پولیس بلوچستان جاوید علی شاہ تجاری نے چیف سیکرٹری بلوچستان کو ایک مراسلہ ارسال کیا ہے جس میں صوبے کے بعض علاقوں میں تخریبی سرگرمیوں اور ٹارگٹ کلنگ میں اضافے کا اعتراف کیا گیا ہے، لیٹر میں بلوچستان کے زیادہ متاثرہ علاقوں کوئٹہ، خضدار تربت اور حب میں ایف سی تعینات کرنے کی استدعا کی گئی ہے۔ لیٹر میں کہا گیا ہے کہ پولیس اپنے محدود وسائل کے باوجود متاثرہ علاقوں میں گشت کی بھرپور کوشش کر رہی ہے، تاہم کسی بھی ناخوشگور واقعہ سے نمٹنے کے لئے فرنٹیر کور کی اضافی نفری تعینات کیا جانا ضروری ہے۔