کراچی: واٹر کورسز ملازمین کا دھرنا جاری

کراچی: کراچی میں واٹر کورسز ملازمین کا دھرنا پانچویں روز بھی جاری ہے۔ مسلم لیگ ق کی رکن قومی اسمبلی ماروی میمن نے توانائی بچانے کے لیے بھوک ہڑتال ختم کر دی۔ کراچی پریس کلب کے باہر این آئی پی ڈبلیو کے ملازمین جمعے سے ہڑتال پر بیٹھے ہوئے ہیں۔ ان کا مطالبہ ہے کہ انہیں مستقل ملازمین کا درجہ دیا جائے۔ مسلم لیگ ق کی رکن قومی اسمبلی ماروی میمن اس احتجاج کی حمایت کر رہی ہیں۔ صوبائی حکومت نے ملازمتوں میں تین سال کی توسیع کی پیشکش کی۔ جس پر مظاہرین نے نوٹی فکیشن کے اجرا تک دھرنا جاری رکھنے کا اعلان کیا ہے۔ ماروی میمن کا کہنا ہے کہ مطالبات کی منظوری تک دھرناجاری رکھیں گے۔ تاہم ماروی میمن نے اپنی توانائی بچانے کے لیے بھوک ہڑتال ختم کر دی ہے۔