سوات: موٹرسائیکل چلانےکی اجازت

سوات: ڈبل سواری پر پابندی تو لگتی ہے لیکن سوات میں موٹر سائیکل چلانے کی اجازت، ڈبل سواری سے مشروط کردی گئی۔سوات میڈیا سروس کے مطابق موٹر سائیکل کی سنگل سواری پر پابندی ہوگی۔ کم از کم دو افراد کی موٹر سائیکل پر سواری لازمی ہے۔ پابندی ختم کئے جانے کے باوجود شہر میں موٹر سائیکلیں نظر نہیں آرہیں۔ شہریوں نے کہا ہے کہ موٹر سائیکل کی سواری کیلئے اب دوسرے شخص کی ضرورت ہے۔ سوات میں زیادہ تر موٹر سائیکل سنگل سواری ہی کیلئے استعمال ہوتی ہیں۔ میڈیکل ریپس اور کورئیر سروس کے ملازمین موٹر سائیکل کثرت سے استعمال کرتے ہیں۔