لانچ کو حادثہ، درجنوں ہلاکتوں کا خدشہ

گوادر: غیرقانونی طور پر دبئی جانے والے پاکستانیوں کی لانچ بحیرہ عرب میں ڈوب گئی۔ درجنوں افراد کی ہلاکت کا خدشہ ظاہر کیا جارہا ہے۔ ایرانی ذرائع نے آج نیوز کو بتایا کہ حادثے میں بچ جانے والے دو پاکستانی ایرانی بندر گاہ چابہار پہنچ گئے ہیں۔ بچ جانے والوں نے ایرانی حکام کو بتایا کہ لانچ میں اسی پاکستانی سوار تھے۔ لانچ میں گنجائش سے زیادہ افراد سوار تھے جس کے باعث حادثہ پیش آیا۔ ان کا کہنا ہے کہ لانچ میں سوار پاکستانیوں میں سے زیادہ تر کا تعلق جنوبی پنجاب کے علاقوں سے تھا۔ جو غیرقانونی طور پر دبئی جارہے تھے۔ میری ٹائم سیکورٹی ایجنسی اور فشرمین کوآپریٹو سوسائٹی نے حادثے سے لاعلمی کا اظہار کیا ہے۔