زرداری اپنی کرپشن کی وجہ سے صدر کو تحفظ دے رہے ہیں،عمران

اسلام آباد: تحریک انصاف کے سربراہ عمران خان نے کہا ہے کہ آصف علی زرداری اپنی کرپشن کی وجہ سے صدر مشرف کو تحفظ دے رہے ہیں۔اسلام آباد میں صحافیوں سے گفتگو کرتے ہوئے انہوں نے کہا کہ مشرف کو بچانے والا شخص آصف زرداری ہے کیوں کہ وہ این آر او کی پیداوار ہیں۔انہوں نے کہا کہ بلوچ علاقے آزادی کی طرف جارہے ہیں ،فوجی آپریشن ختم کرکے مسائل بات چیت سے حل کئے جائیں۔سربراہ تحریک انصاف نے کہا کہ ملک کے خلاف سازش ہورہی ہے ،صدر مشرف نے امریکا سے پیسے لے کر اپنے ہی بندے مروائے۔عمران خان کا کہنا تھا کہ بجٹ سے شوکت عزیز کی بو آرہی ہے۔انہوں نے کہا کہ بجٹ سے قوم کو ریلیف دیا جانا چاہئے تھا۔