کوئٹہ: کوئٹہ میں پولیو کے خلاف تین روزہ مہم کا آغاز ہوگیا۔اس سال پولیو کے تین نئے کیس سامنے آنے کے بعد اور پولیو وائرس کی موجودگی کے سبب ہر چار ماہ بعد مہم چلائی جارہی ہے ۔کوئٹہ میں ای پی آئی پروگرام کے صوبائی کوآڈینٹر ڈاکٹر محمد ایوب اور محکمہ صحت کے دیگر اہلکاروں نے نیوز کانفرس کرتے ہوئے کہاکہ پندرہ مارچ سے شروع کی جانے والی مہم کے دوران چار لاکھ پنسٹھ ہزار سے زائد بچوں کو پولیو ویکسین پلانے کاہدف رکھا گیاہے جس کے لئے سترہ سو چھپن کارکنان صحت کی آٹھ سو سے زائد ٹیمیں تشکیل دی گئی ہیں اس کے علاوہ ایک سو دس خصوصی مراکز اور گزر گاہوں پر بھی بچوں کو ویکسین پلانے کا اہتمام کیا گیا ہے۔
