گھوٹکی: گھوٹکی کے علاقے ڈہرکی میں قائم گیس فیلڈ کے مغوی اہلکار ملازم عثمان مہر کو پولیس مقابلے کے بعد بازیاب کرالیا گیا۔ عثمان کی ناک میں نکیل اور پیروں میں زنجیر بندھی ہوئی تھی۔ اغوا کار عثمان مہر کو کچے کے علاقے منتقل کررہے تھے کہ ڈہرکی پولیس نے مقابلے کے بعد اسے بازیاب کرالیا۔ اغوا کاروں نے مغوی کی ناک میں نکیل اور پیروں میں زنجیر باندھ رکھی تھی۔
پولیس کا کہنا ہے عثمان مہر گیس فیلڈ میں کام کرنے والے ملازمین کی یونین کا عہدیدار تھا اور ٹھیکیداری نظام کے خلاف آواز بلند کررہا تھا۔ عثمان کا کہنا ہے کہ اسے گیس فیلڈ کے ٹھیکیداروں نے اغوا کرایا اور اغوا کے دوران بدتر سلوک بھی کیا گیا۔
