فیشل کے فوراً بعد ان چیزوں سے گریز کریں

facialچہرے کی جلد کی خوبصورتی اور صفائی کے لئے استعمال کئے جانے والے طریقوں میں فیشل ایک اہم جگہ رکھتا ہے۔ فیشل جلد کو نہ صرف تر و تازہ بناتا ہے بلکہ اس کی صحت برقرار رکھنے میں بھی کارآمد ہے۔ لیکن اگر اس کے بعد احتیاط نہ کی جائے تو یہی فیشل آپ کی جلد کو نقصان بھی پہناچا سکتا ہے۔

آج ہم آپ کو بتائیں گے کہ فیشل کے بعد کن باتوں کا خیال رکھنا چاہیئے اور اپنی جلد کو کس طرح محفوظ رکھنا چاہیئے۔

پسینہ

گرمی کے موسم میں سخت ورزش کرنا، گھر سے باہر نکلنا یا پبلک ٹرانسپورٹ میں سفر کرنا آپ کے جسم کو شدید گرمی اور پسینے سے دوچار کر سکتا ہے۔ فیشل چہرے کی جلد کو کچھ دیر کے لئے حساس بنا دیتا ہے۔ حساس جلد پر گرمی اور پسینے کے اثرات برا اثر ڈال سکتے ہیں۔ اس لئے فیشل کے بعد اپنے معمول کے کام شروع کرنے سے پہلے احتیاط کریں۔

میک اپ

فیشل میں چہرے کی جلد کی گہرائی سے صفائی کی جاتی ہے۔ جلد مکمل طور پر صاف ہونے کی وجہ سے اس کے مسام کھل جاتے ہیں۔ میک اپ بذات خود ایک ایسی چیز ہے جسے کھلے مساموں پر استعمال نہیں کرنا چاہیئے۔ اس کے علاوہ میک اپ استعمال کرنے کے برش یا اسپنج جلد کے کھلے مساموں میں جراثیم اور انفیکشن منتقل کرنے کے ذمہ دار ہوسکتے ہیں۔

Related image

کیل مہاسے

فیشل کے بعد اپنے چہرے کی جلد کو ہرگز مت چھیڑیں۔ کیل مہاسوں پر ہاتھ لگانا ویسے بھی ٹھیک نہیں لیکن فیشل کے بعد ایسا کرنا یقیناً نشان اور گڑھے چھوڑ جائے گا۔

Related image

گھریلو ٹوٹکے

فیشل کے بعد جلد کی حساسیت کوئی بھی چیز برداشت نہیں کر پاتی۔ فیشل کے بعد اپنی جلد کو معمول پر آنے دیں۔ اس وقت اسے آکسیجن کی بہت ضرورت ہوتی ہے۔ اس لئے جلد پر مذید ترکیبات استعمال کرنا اس کو نقصان پہنچا سکتا ہے۔

Image result for cucumber on face

دھوپ اور گرمی

فیشل جلد کی صفائی گہرائی سے کرتا ہے۔ فیشل کے دوران ہی جلد کو مختلف مراحل سے گزرنا پڑتا ہے، جن میں بھاپ کے ذریعہ صفائی بھی شامل ہے۔ جلد پر مذید بھاپ مت استعمال کریں اور دھوپ اور گرمی سے بچیں۔ دھوپ اور گرمی جلد کی حساسیت کی وجہ سے اس میں موجود باریک رگوں کو نقصان پہنچا سکتی ہیں۔

Image result for effects of sun on skin

Thanks to MissKyra

loading...
loading...