معمولی دکھنے والی کچن کی 10 خطرناک ترین اشیاء

1

ہم اپنی روز مرہ  زندگی میں کچن میں بہت سی چیزوں کااستعمال کرتے ہیں۔ کچھ چیزیں  دیکھنے میں تو ہمیں نقصان دہ نہیں لگتیں لیکن وہ ہمارے لئے خطر ناک ہوسکتی ہیں۔

آج ہم آپ کو ایسی ہی کچھ  چیزوں کا بتائیں گے جو آپ کے لئے نقصان دہ ہیں اور یہ جاننا یقیناً آپ کو عادتیں بدلنے پر مجبور کردے گا۔

٭ پلاسٹک کنٹینرز میں  محفوظ اشیاء

Image result for food in plastic containers

اکثر پلاسٹک بنانے والی کمپنیاں  پلاسٹک کو لچکدار بنانے کے لئے اس میں مخصوص قسم کے کیمیکل کا  استعمال کرتی ہیں،جس کی وجہ سےبہت سی صحت  سے جڑی مشکلات پیدا ہوسکتی ہیں۔اسی لئے اشیاء کو پلاسٹک کنٹینرز میں محفوظ کرنا آپ کے لئے نقصان دہ ہو سکتا ہے۔

٭ کچن سنک

Image result for kitchen sink

کبھی کبھار ایسا ہوتا ہے کہ آپ برتن دھوتے ہیں تو کھانے کہ کچھ ذرّات سنک میں لگے  رہ جاتے ہیں،یہ ذرّات مختلف اقسام کے خطرناک بیکٹیریا کے پھیلنے کا سبب بن سکتے ہیں۔کچن سنک کا شمار بہت ہی خطرناک جگہوں میں ہوسکتا ہے اگر اسے مکمل طور پر صاف نہ رکھا جائے۔

٭چھریاں

Related image

کچن میں استعمال ہونے والی چھریوں کو ہمیشہ تیز دھار ہونا چاہیے۔اگر چھریاں تیز دھار نہیں ہونگی تو یہ کسی بھی چیز کو کاٹنے کے دوران پھسل سکتی ہیں ،جس کی وجہ سے آپ کاہاتھ یا جسم کا کوئی حصہ زخمی ہو سکتا ہے۔

٭ اسفنج

Image result for Kitchen sponge

عموماً کچن میں برتن دھونے کے لئے استعمال کئے جانے والے  اسفنج میں بیکٹیریا کی افزائش  بہت تیزی سے ہوتی ہے ۔بیکٹیریا کے خاتمے کے لئے آپ اسفنج کو گیلا کر کے مائیکروویو میں رکھ سکتے ہیں یا پھر کچھ دیر بلیچ والے پانی میں  ڈال کر بھگو سکتے ہیں ۔ماہرین کا اس بارے میں کہنا ہے کہ اسفنج کو ایک سے دو ہفتے کر دوران تبدیل کرلیناچاہیے۔

٭تولیہ

Related image

تولیے کا شمار کچن میں موجود سب سے گندی چیزوں میں ہوتا ہے۔یہ ایسی چیز ہوتی ہے جسے آپ سب سے زیادہ استعمال کرتے ہیں،کھانا بنانے کے دوران بھی اورہاتھ صاف کرنے کےلئے بھی،اس لئےاس بات کا خیال رکھنا چاہئے کہ کچن میں استعمال ہونے والا تولیہ ہمیشہ صاف رکھا جائے ورنہ اس کے ذریعے بیکٹیریا آپ کے کھانے میں شامل ہو سکتے ہیں۔

٭ ائیر  فریشنر

Image result for  air freshener

ائیر فریشنرز میں مختلف طرح کے کیمیکلز شامل ہوتے ہیں جو  پھیپڑوں کو متاثر کرتے ہیں یاکینسر کا باعث بنتے ہیں۔ اس لئے کچن میں ائیر فریشنر کاروزانہ  استعمال نہیں کرنا چاہئے۔

٭گیس والااوون

Related image

اگر آپ سونے جارہے ہوں یا کہیں گھر سے باہر جارہے ہوں توجانے سے پہلےاوون کو بند کردیں۔ اوون کے برنرز سے خطرناک گیس کا اخرج ہوتا ہے جو آپ کے لئے نقصان دہ ہوسکتی ہے۔

٭ نان اسٹک کک وئیر

Related image

نان اسٹک برتنوں میں ٹیفلون کی ایک پرت ہوتی ہے جس کے زیادہ گرم ہوجانے سے زہریلے مواد کا اخراج ہوتا ہے۔اس لئے نان اسٹک کے بجائے پرانے  پینز کا استعمال کرنا چاہئے۔

٭ قیمہ نکالنے کی مشین

Related image

قیمہ نکالنے کی مشین بہت ہی خطرناک ثابت ہوسکتی ہے اگر آپ اسے دھیان سے استعمال نہ کریں ۔مشین سے قیمہ نکالتے وقت انگلیوں کو ہمیشہ دور رکھیں اور گوشت کو مشین میں اندر کی طرف دھکیلنے کے لئے ہاتھ کے بجائے کسی اور چیز کا استعمال کریں۔

٭ کٹنگ بورڈز

Image result for cutting boards

سبزیاں اور گوشت کاٹنے کے لئے ہمیشہ الگ الگ بورڈز کا استعمال کرنا چاہیے۔کچے گوشت میں بیکٹیریا موجود ہوتے ہیں جوآپ کے لئے سنگین بیماریوں کاسبب بن سکتے ہیں۔ٹوٹے اور چٹخے ہوئے کٹنگ بورڈز کا ہرگز استعما ل نہیں کرنا چاہئےکیونکہ  وہ ٹوٹی ہوئی جگہ بیکٹیریا کے رہنے کی بہترین آماجگاہ ہوتی ہے۔    

loading...
loading...