بھارت نے تاریخ کی سب سے بڑی بحری جنگی مشقوں کی تیاری شروع کردی

فائل فوٹو

فائل فوٹو

نئی دہلی:پاکستان پردباؤ ڈالنے کی ایک اور بھارتی کوشش سامنے آگئی ،بھارت نے تاریخ کی سب سے بڑی بحری جنگی مشقوں کی تیاری شروع کردی۔

خطے پر غلبہ پانے کا ایجنڈا یا پاکستان پر دباؤ بڑھانے کی کوشش ،جنگی جنون میں پاگل بھارت نے تاریخ کی
سب سے بڑی بحری جنگی مشقوں کا منصوبہ بنالیا۔

بھارت کی نیوی اپنی تاریخ کی سب سے بڑی جنگی مشقوں کی تیاری کر رہی ہے ،جس میں بھارت پہلی مرتبہ خطے کے 23ممالک کی میزبانی کرے گاتاہم ان ممالک میں پاکستان شامل نہیں ہے۔

توقع کی جا رہی ہے کہ بحری مشقوں میں مہمان ممالک کے 30بحری جنگی جہاز حصہ لیں گے جبکہ مجموعی طور پر ان مشقوں میں ستر جنگی جہاز شریک ہوں گے۔

بھارتی نیوی کی مشرقی کمان کا ایک بڑا حصہ ان مشقوں میں شریک ہوگا،اِن ممالک میں آسٹریلیا، تنزانیہ، نیوزی لینڈ، فلپائن، بنگلہ دیش، کمبوڈیا، میانمار، تھائی لینڈ، انڈونیشیا، سنگا پور، ملائیشیا، جنوبی افریقا، موریشس، سیچیلس، ویت نام، برونائی، کینیا، موزمبیق ، متحدہ عرب امارات، یمن اور اومان شامل ہیں۔

بحری جنگی مشقوں کا آغاز یکم مارچ کو ہوگا اور یہ وار گیمز پانچ روز تک جاری رہیں گی،یکم مارچ سے ہونے والے انڈین وار گیمزمشقوں میں 23ممالک کی شرکت متوقع ہے۔

loading...
loading...