انسانی حقوق سے متعلق بیان،کینیڈا کا سعودی عرب سے معافی مانگنے سےانکار

فائل فوٹو

فائل فوٹو

ٹورنٹو: سعودی عرب اور کینیڈا میں تنازع برقرار  ہے،انسانی حقوق سے متعلق بیان پر کینیڈا کا  سعودی عرب سے معافی مانگنے سےانکار کردیا۔

کینیڈا اور سعودی عرب کے درمیان سفارتی کشیدگی جاری ہے،سعودی عرب کا کہنا ہے کہ ثالثی کی گنجائش نہیں، کینیڈین حکام جانتے ہیں کہ ہے غلطی درست کرنے کیلئے کیا کرنا ہے۔

کینیڈین وزیراعظم جسٹن ٹروڈو کا کہنا ہے کہ سعودی عرب سے تعلقات خراب کرنا نہیں چاہتے لیکن انسانی حقوق کیلئے ہر فورم پر آواز اُٹھائیں گے۔

انہوں نے تسلیم کیا کہ سعودی عرب نے انسانی حقوق کے معاملے پر کام کیا ہے،معاملے کے حل کیلئے کینیڈین وزیرخارجہ کی سعودی ہم منصب سے تفصیلی گفتگو بھی ہوئی ہے۔

دوسری جانب سعودی وزیرخارجہ عادل الجبیر کا کہنا ہے کہ کینیڈا کو اپنی غلطی درست کرنا ہوگی،کینیڈا کیخلاف مزید اقدامات لینے کا سوچ رہے ہیں۔

کینیڈا نے سعودی عرب میں انسانی حقوق کے کارکنوں کی گرفتاری پر تشویش کا اظہار کیا تھا۔

loading...
loading...