ایل سلواڈور: آگ کے گولے پھینکنے کا تہوار

نے جاپا: آپ نے رنگا رنگ، منفرد اور انوکھے تہوار دیکھے ہوں گے مگر ایل سلواڈور میں ایک ایسا تہوار منایا جاتا ہے جس میں شرکاء ایک دوسرے پر آگ کے گولے برساتے ہیں۔ ایل سلواڈور کے علاقے ''نے جاپا'' کا یہ سالانہ تہوار بڑے جوش و جذبے سے منایاجاتا ہے۔ انیس سو بائیس سے باقاعدگی سے منائے جانے والے اس تہوار کی سب سے دلچسپ بات یہ ہے کہ اس میں شرکاء ایک دوسرے پر آگ کے گولے پھینکتے ہیں۔ انیس سو بائیس میں ''نے جاپا'' میں آتش فشاں پھٹنے کے باعث بڑی تعداد میں لوگوں کو علاقہ خالی کرنا پڑا تھا۔ اس کھیل میں لوگ جوش و جذبے سے شرکت کرتے ہیں۔ تاہم کھیل کے دوران کچھ لوگ آگ سے جھلس کر زخمی بھی ہوجاتے ہیں۔