میکسیکو: سیلاب کے بعد کئی علاقے زیر آب

میکسیکوسٹی: میکسیکو میں سیلاب کے بعد کئی علاقے زیر آب آگئے اور کاروبار زندگی معطل ہوگیا۔بارش سے نووی لیرو اور اسٹوٹا نامی دریا میں طغیانی آگئی اور پانی قریبی آبادی میں داخل ہوگیا۔ سیلاب سے اْوکساکان نامی علاقہ بری طرح متاثر ہوا۔ پانی متعدد رہائشی علاقوں میں داخل ہوگیا اور بڑے پیمانے پر تباہی کا سبب بنا۔اوکساکان میں سیلاب سے چار ہزار سے زائد افراد متاثر ہوئے۔ اونچے درجے کے سیلاب کے خطرے کے پیش نظر پانچ سو افراد محفوظ مقامات پر منتقل کردیئے گئے۔ علاقے میں مزید بارش کی پیشگوئی کی گئی ہے۔