جنوبی کوریا: سمندری طوفان سے تین افراد ہلاک

سیول: جنوبی کوریا میں سمندری طوفان سے تین افراد ہلاک ہوگئے۔ ہزاروں مکانات کی بجلی منقطع ہے۔ طوفان کی شدت سے درخت جڑ سے اکھڑ گئے۔ کھمبوں کو نقصان پہنچا اور بجلی کی فراہمی منقطع ہوگئی۔ ساٹھ ہزار سے زائد مکانات کی بجلی منقطع ہے۔ ساٹھ سے زائد بین الاقوامی پروازیں موخر اور منسوخ کرنا پڑیں۔ ریلوے کا نظام بھی متاثر ہوا۔ اب تک تین افراد کی ہلاکت کی تصدیق کی جا چکی ہے۔ محکمہ موسمیات کے مطابق طوفان گینگ وان نامی صوبے کی طرف بڑھ رہا ہے۔