ایران اپنے فیصلوں سے تنہا ہورہا ہے ،امریکا

واشنگٹن : امریکی صدر براک اوباما نے کہا ہے کہ ایرانی رہنما اپنے فیصلوں کی وجہ سے دنیا میں تنہا ہو رہے ہیں۔امریکی صدر براک اوباما نے نوروز کے موقعے پر ایرانی عوام کے نام وڈیو پیغام میں کہا کہ امریکا ایران کے ساتھ طلبا کے تعلیمی اور ثقافتی وفود کا مزید تبادلہ چاہتا ہے۔ امریکی صدر نے کہا کہ وہ چاہتے ہیں کہ ایرانی عوام کو انٹرنیٹ پر بہتر رسائی ملے تاکہ وہ مستقبل کے بارے میں زیادہ پرامید ہوں۔ براک اوباما نے کہا کہ ایران کو سفارتی مذاکرات کی پیشکش اب بھی برقرار ہے مگر ایرانی قیادت تنہائی کا رستہ اختیار کرچکی ہے۔ انہوں نے کہا کہ ایران ایٹمی معاملے پر عالمی قوانین کی پاسداری میں ناکام رہا ہے۔