فجی: طوفان کےپیش نظرپروازیں منسوخ

سووا: فجی میں طوفان کے پیش نظر متعدد پروازیں منسوخ ،اسکول اور کاروباری ادارے بند کردیئے گئے۔ کیٹیگری فور کا سمندری طوفان ''ٹوما'' تیزی سے فجی کے جزیرے سووا کی طرف بڑھ رہاہے۔ حکام نے پیشگوئی کی ہے کہ یہ طوفان سو ستر کلومیٹر فی گھنٹہ کی رفتار سے منگل کے روز سووا سے ٹکرائے گا۔ طوفان کے پیش نظر ملک بھر میں ایمرجنسی نافذ کرکے حفاظتی اقدامات شروع کردیئے گئے ہیں، تعلیمی ادارے اور کاروباری مراکز بند ہیں متعدد بین الاقوامی پروازیں منسوخ کردی گئی ہیں اور ہزاروں افراد کو محفوظ مقامات پر منتقل کیا جارہاہے۔ نقل مکانی کے دوران ایک شخص کی ہلاکت کی بھی اطلاع ہے۔ لوگوں نے اپنے گھروں میں کھانے پینے کی اور دیگر ضروری اشیا کا ذخیرہ کرلیا ہے۔