میکسیکو:امریکی قونصلیٹ کی ملازمہ قتل

میکسکو سٹی: میکسیکو میں نامعلوم افراد نے فائرنگ کرکے امریکی قونصل خانے کی ملازمہ اور اس کے شوہر کو قتل کرد یا۔ امریکی سفارتخانے کی ملازمہ اپنے شوہر اور بچے کے ساتھ گاڑی میں میکسیکو کے سرحدی شہر سیوداد جوارز سے جارہی تھی کہ نامعلوم مسلح افراد نے فائرنگ کر دی جس سے امریکی قونصلیٹ کی ملازمہ اور اس کا شوہر موقعے پر ہی ہلاک ہوگئے ۔ اس سے پہلے بھی ایک اور امریکی قونصلیٹ کی ملازمہ کے شوہر پر فائرنگ کی گئی تھی جس سے وہ موقعے پر ہی ہلاک ہوگیا تھا جبکہ اس کے دو بچے زخمی ہوگئے تھے ۔ سرحدپر وفاقی پولیس اور فوج کے مشترکہ مشن کی جانب سے جاری کردہ بیان میں قتل میں منشیات فروش گروہ کے ملوث ہونے کے خدشے کا اظہار کیا گیا ہے ۔ادھر امریکی صدر اوباما نے امریکی سفارتخانے کے عملے کو ارکان کو قتل کیے جانے پر شدید برہمی کا اظہار کیا ہے ۔