طالبان بھارت کے دشمن نہیں، ملا ضعیف

کابل:  پاکستان میں طالبان کے سابق سفیر ملا عبدالسلام ضعیف نے کہاہے کہ طالبان نئی دہلی کو اپنا دشمن نہیں سمجھتے ۔ یہ بات انہوں نے کابل میں بھارتی ٹی وی کو انٹرویو میں کہی ۔انہوں نے بھارت کی جانب سے طالبان حکومت کو تسلیم نہ کر نے کے عمل کو غلطی قرار دیا تاہم ان کاکہنا تھا کہ طالبان نہ تو بھارت مخالف ہیں اور نہ ہی بھارت مخالف قوتوں کے حامی ہیں ۔ لشکر طیبہ سے متعلق ان کا کہنا تھا کہ طالبان لشکر طیبہ سمیت دیگر مسلم گروپوں کو بحیثیت مسلمان تسلیم کرتے ہیں ۔ملا عبدالسلام نے طالبان کی دہشت گرد کارروایوں میں ملوث ہونے کی تردید کی ۔افغان جنگ سے متعلق ان کا کہنا تھا کہ طالبان وہاں پر پاک بھارت پراکسی وار لڑ رہے ہیں ۔طالبان دور حکومت میں ملاعبدالسلام ضعیف پاکستان میں سفارتکار کے فرائض سرانجام دے چکے ہیں ۔