بھارت: بس کو حادثہ، چھبیس طلبہ ہلاک

مدھپور: بھارت میں بس دریا میں گرنے سے چھبیس طلبہ ہلاک ہوگئے۔ حادثہ ریاست راجھستان میں پیش آیا۔ بس میں سوار طلبہ متھورا نامی علاقے میں پکنک منانے کے بعد واپس آرہے تھے کہ مدھو پور کے قریب ان کی بس مخالف سمت سے آنے والی گاڑی سے ٹکرا کر دریا میں گرگئی۔ بس میں اکاون طلبہ سمیت باسٹھ افراد سوار تھے۔ حادثے کے نتیجے میں اکیس افراد موقع پر ہی ہلاک ہوگئے جبکہ پانچ طلبہ نے اسپتال منتقلی کے دوران دم توڑ دیا۔ ہلاک شدگان کی عمریں اٹھارہ سے پچیس سال کے درمیان ہے اور سب بی ایڈ کے طالب علم تھے۔ زخمیوں کو قریبی اسپتال منتقل کردیا گیا ہے جہاں بعض کی حالت نازک ہے۔