ہیٹی: زندگی معمول پر آنے لگی

پورٹ او پرنس: ہیٹی میں زلزلے کے بعد زندگی معمول پر آنے لگی۔ بچے اسکول تو جارہے ہیں لیکن تباہی کا نشانہ بننے والی درسگاہیں اور دوست نہیں بھول سکے۔ سانحہ وقتی نہیں ہوتا، زندگی اور ذہن پر ان مٹ نقوش چھوڑ جاتا ہے۔ یہی حال ہیٹی کے بچوں کا بھی ہے جو دو ماہ گزر جانے کے باوجود تباہ کن زلزلے کے ذکر سے کانپ اٹھتے ہیں۔ زلزلے کا خوف تو ایک طرف بچے تو اسکول بھی نہیں بھول پائے ۔بچے زیادہ وقت کیمپوں میں یا سڑکوں پر گزارتے ہیں۔ چودہ سالہ چارلس فرنینڈو نے عوام سے مدد کی اپیل کردی ۔زلزلے سے متاثر چار ہزار سات سو ساٹھ افراد دارالحکومت پورٹ او پرنس کے قرین مسارا کیمپ میں مقیم ہیں۔ کیمپ منتظم کے مطابق وعدے کے باوجود امداد نہیں دی جارہی جس سے کیمپ میں مقیم افراد کی مشکلات میں اضافہ ہورہا ہے۔