کشیدہ تعلقات کاذمہ دارامریکا ہے، چین

بیجنگ : چین کے وزیراعظم وین جیاباوٴ نے کہا ہے تائیوان کو ہتھیاروں کی فراہمی سے امریکا نے چین کی سلامتی کو دھچکا پہنچانے کی کوشش کی۔ بیجنگ میں پریس کانفرنس کے دوران انہوں نے کہا کہ چین کی مخالفت کے باوجود امریکا تائیوان کو ہتھیار فراہم کررہا ہے۔ اس کے علاوہ امریکی صدر براک اوباما نے دلائی لامہ سے وائٹ ہاوٴس میں ملاقات کی۔ وین جیاباوٴ کا کہنا تھا امریکی اقدامات سے دونوں ملکوں کے درمیان تعلقات شدید متاثر ہوئے۔ چین کے وزیراعظم نے امید ظاہر کی کہ اوباما انتظامیہ کشیدگی دور کرنے کیلئے ٹھوس اقدامات کرے گی۔ اس ہی میں دونوں ملکوں کی بہتری ہے۔