افغانستان: دھماکا، پاکستانی جاں بحق

قندھار: افغانستان کے جنوبی شہر قندھار میں پاکستانی قونصل خانے کے قریب بم دھماکے سے ایک پاکستانی شہری جاں بحق اور چھ زخمی ہوگئے۔افغان پولیس کے مطابق قندھار میں پاکستانی قونصل خانے کے قریب سڑک پر نصب بم دھماکے سے پھٹ گیا جس کے نتیجے میں تعمیراتی کمپنی کے ملازمین کو لے جانے والی گاڑی تباہ ہوگئی۔ دھماکے سے ایک پاکستانی جاں بحق اور چھ زخمی ہوگئے۔ قندھار میں گزشتہ روز طالبان کے مختلف حملوں میں تیرہ افغان پولیس اہلکاروں سمیت پینتیس افراد ہلاک اور ترپن زخمی ہوگئے تھے۔ قندھار کے گورنر کا کہنا ہے کہ انہوں نے موجودہ صورتحال کے پیش نظر افغان اور اتحادی فوج سے مدد طلب کرلی ہے۔