جارجیا: جعلی خبروں پرعوام میں خوف

تبلسی: جارجیا میں نجی ٹی وی پر روس کی جانب سے ملک پر حملے اور صدر کے قتل کی خبر چلنے سے عوام میں شدید خوف و حراس پھیل گیا۔ آئی میدی ٹی وی پر روسی ٹینکوں کے حملے کی جعلی خبر چلائی گئی جسے لوگ سچ سمجھ بیٹھے اور دارالحکومت تبلسی میں ہزاروں کی تعداد میں عوام سڑکوں پر آگئی۔ ملک بھر میں موبائیل نیٹ ورک کی اچانک خرابی سے خوف و حراس میں مزید اضافہ ہو گیا۔ خبر چلنے کے کچھ ہی دیر بعد حکومتی اہلکار ٹی وی اسٹیشن پہنچے اور انتظامیہ کو خبردار کیا کہ ایسی خبر چلانے سے پہلے عوام کو واضح طور پر بتانا ضروری ہے کہ یہ محض ایک ڈرامہ ہے۔ عوام نے بھی شدید غصے کا اظہار کیا اور ایسی حرکت کو لوگوں کو پریشان کرنے کا ذریعہ قرار دیا۔