جرمن کروز شپ اپنے پہلے سفر پر روانہ

برلن : جرمن کروز شپ اپنے پہلے سفر پر برطانیہ روانہ ہو گیا ہے۔ سلیبریٹی ایکلپس کروز شپ نے پیپن برگ کی شپ یارڈ سے اپنے سفر کا آغاز کیا۔ کروز کی لمبائی تین سو سترہ میٹر جبکہ چوڑائی چھتیس میٹر ہے۔ سفر کے آغاز سے قبل کروز کے کیپٹن نے بتایا دریائے ایمز میں سفر کے دوران انھیں انتہائی چوکنا اور محتاط رہنا ہو گا کیونکہ دریا کی چوڑائی انتہائی کم ہے اور جہاز بہت بڑا ہے۔ دریائے ایمز میں پلوں ، لاکس، اور موڑ کے باعث کروز بارہ سے پندرہ گھنٹے سفر کرے گا۔