پاک بھارت جنگ کا آپشن موجود نہیں،چدم برم

نئی دہلی: بھارتی وزیر داخلہ پی چدم برم نے کہا ہے کہ پاکستان اور بھارت ایٹمی ممالک ہیں اس لئے جنگ کا آپشن موجود نہیں ہے، مذاکرات ہی واحد راستہ ہے۔نئی دہلی میں نیوزکانفرنس سے خطاب میں بھارتی وزیر داخلہ نے کہا کہ بھارت پر پاکستانی سرزمین سے دوبارہ دہشت گرد حملہ ہوا تو فوری اور فیصلہ کن اقدام کیا جائے گا۔ پی چدم برم نے پاکستان پر زور دیا کہ ذمہ دار پڑوسی کا کردار ادا کرے۔ انہوں نے کہا کہ پاکستان حافظ سعید سے تفتیش نہیں کرسکتا تو بھارت کو براہ راست تفتیش کی اجازت دے۔