اسپین:جزیرے مالورکا میں برفباری

میڈریڈ: ہسپانیہ کے جزیرہ مالورکا میں غیر متوقع برف باری سے سیاحوں اور مقامی افراد کے چہرے خوشی سے کھِل اٹھے۔اسپین کے شمال مشرق میں واقع جزیرہ مالورکا موسم مارچ میں گرم رہتا ہے۔ مگر اس بار غیر متوقع برفباری سے پورا جزیرہ سفید چادر میں چھپ گیا جبکہ سیاحوں خصوصاً بچوں کو برف سے کھیلنے کا موقع مل گیا۔ بچوں کی بڑی تعداد گلیوں اور میدانوں میں جمع ہوکر برف باری سے لطف اندوز ہورہی ہے۔ کئی علاقوں میں برف باری سے ٹریفک کی آمد و رفت میں مشکلات کا سامنا ہے۔ محکمہ موسمیات نے آئندہ چند روز کی دوران درجہ حرارت میں اضافہ کی پیش گوئی کی ہے۔