ایران پرپابندیاں: سعودیہ سےحمایت کا مطالبہ

ریاض: امریکا نے سعودی حکومت سے ایران پر پابندیوں کی حمایت کا مطالبہ کر دیا ہے۔ امریکی وزیر دفاع رابرٹ گیٹس نے سعودی عرب کے دورے کے موقع پر سعودی فرماں روا شاہ عبداللہ سے ملاقات میں ایران کے نیوکلیئر پروگرام پر پابندیوں، سعودی عرب کے فضائی اور میزائل ڈیفنس نظام کی ترقی میں معاونت سمیت مختلف امور پر تبادلہ خیال کیا۔ دونوں رہنماوٴں کی ملاقات کے بعد پنٹاگون کے پریس سیکریٹری جیاف مورل نے کہا کہ امریکا پرامید ہے کہ سعودی عرب ایران پر پابندیوں کی حمایت کیلئے خطے میں اپنا اثر و رسوخ استعمال کرے گا۔ امریکی وزیر دفاع سے پہلے وزیر خارجہ ہیلری کلنٹن اورایڈمرل مائیک مولن بھی سعودی عرب کا دورہ کرچکے ہیں۔