امریکا، ایران کا ایک دوسرے پر ڈبل گیم کا الزام

کابل: امریکا اور ایران نے ایک دوسرے پر ڈبل گیم کا الزام لگا دیا۔ ایرانی صدر محمود احمدی نژاد نے کہا ہے کہ ایران نہیں امریکا نے افغانستان میں دہرا معیار اپنا رکھا ہے۔ ایرانی صدر محمود احمدی نژاد نے کابل میں افغان ہم منصب حامد کرزئی سے ملاقات کی۔ افغان ہم منصب کے ہمراہ نیوز کانفرنس میں محمود احمدی نژاد نے کہا کہ امریکا نے پہلے دہشتگرد پیدا کئے اور اب دہشتگردوں سے جنگ کے بیانات دے رہا ہے۔ اس سے پہلے رابرٹ گیٹس نے نیوز کانفرنس میں ایران پر ڈبل گیم کھیلنے کا الزام لگایا تھا۔ رابرٹ گیٹس نے کہا کہ جولائی دو ہزار گیارہ سے پہلے افغانستان سے کچھ امریکی فوجیوں کا انخلاء ممکن ہے لیکن یہ عمل زمینی حقائق سے مشروط ہوگا۔ صوبہ پکپتیکا میں کار بم دھماکے سے دو پولیس اہلکار اور تین افغان فوجی ہلاک ہوگئے۔