افغان مسئلہ، حل پاکستان کے بغیرناممکن قرار

بوسٹن: برطانیہ نے افغانستان کے مسئلے کا حل پاکستان کے بغیر ناممکن قرار دے دیا ۔امریکا کے میساچوسٹس انسٹی ٹیوٹ آف ٹیکنالوجی میں برطانوی وزیر خارجہ ملی بینڈ کے خطاب سے پہلے ان کی تقریر کے اقتباسات جاری کیے گئے ہیں ۔اقتباسات کے مطابق برطانوی وزیر خارجہ کاکہنا ہے کہ افغان جنگ کو ختم کرنے کی راہ ڈھونڈنا ہوگی کیونکہ امریکی قیادت میں وہاں جنگ سے متعلق عوام کو مطمئن کرنا ناکافی ہے ۔ ملی بینڈ کا کہنا ہے کہ افغانستان کے مسئلے کا بھرپور سیاسی حل تلاش کرنے کیلئے وقت موزوں ہے ۔ برطانوی وزیر خارجہ نے بھارت، روس اور چین کو مسئلے کے حل کیلئے اہم قرار دیا تاہم ان کاکہنا تھا کہ پاکستان کی شمولیت کے بغیر افغانستان میں تصفیے کے امکانات معدوم ہیں ۔