ترکی: یوکرائن قونصلیٹ پرحملہ ناکام

استنبول: ترکی میں یوکرائن کے سفارتخانے پر مسلح شخص کے حملے کو ناکام بنادیا گیا ۔خبررساں ادارے کے مطابق ایک مسلح شخص نے مقامی وقت کے مطابق نوبجے یوکرائن کی قونصلیٹ میں داخل ہونے کی کوشش کی تاہم سیکورٹی اہلکاروں کی جانب سے نہ روکنے پر انہوں نے اس کو نشانہ بنادیا ۔گورنر استنبول کے مطابق اس شخص کے پاس بم کے علاوہ ایک عدد گن بھی تھی ۔ اس نے پہلے پستول نکال کر سیکورٹی اہلکاروں پر فائرنگ کی جس کے بعد اس کو نشانہ بنایا گیا ہے تاہم گورنر ہاؤس کی جانب سے جاری کردہ بیان میں اس کارروائی کو بیوی سے گھریلو ناچاقی کا شاخسانہ قرار دیا گیا ہے ۔بیان میں کہا گیا ہے کہ اس شخص کو یوکرائن سے ملک بدر کیا گیا تھا جبکہ اس کی بیوی کا بھی یوکرائن سے تعلق ہے ۔