افغانستان: فوجی انخلا، امریکی کانگریس میں بل

واشنگٹن : افغانستان سے امریکی فوج کے انخلا کی قرارداد پر بدھ کے روز کانگریس میں رائے شماری کروائی جائیگی۔ قرار داد میں مطالبہ کیا گیا ہے کہ امریکی صدر اس بل کی منظوری کے بعدفوری طور پر افغانستان سے امریکی فوج کے انخلا کیلئے اقدامات کریں ۔یہ بل ڈیموکریٹک پارٹی کے رکن کانگریس ڈینزکیوسینک کی جانب سے پیش کیا جارہا ہے اور اس کو حکومت کے علاوہ ریپبلکن جماعت کے بھی بعض اراکین کی حمایت حاصل ہے تاہم غالب امکان ہے کہ امریکی ایوان نمائندگان کی اکثریت صدر اوباما کی افغانستان سے متعلق پالیسی کی حمایت کریگی جس کی وجہ سے اس بل کی ایوان سے منظور ی کے امکانات بہت کم ہیں ۔ ادھر امریکی چینل سی این این کی جانب سے بھی ایک پبلک پول کروایا گیا ہے جس میں باون فیصد شہریوں نے انخلا جبکہ سینتالیس فیصد نے اسکی کی مخالفت کی ہے تاہم اکسٹھ فیصد نے صدر اوباما کے افغانستان میں طالبان کیخلاف آپریشن کیلئے مزید فوجیوں کی تعیناتی کے فیصلے کی حمایت اور اڑتیس فیصد نے مخالفت کی ہے ۔