جوہری ہتھیاروں پرجاپان امریکا معاہدے کا انکشاف

ٹوکیو : امریکا اور جاپان کے درمیان خفیہ جوہری معاہدے کا انکشاف ہوگیا ۔خبررساں ادارے کے مطابق جاپان نے امریکا سے خفیہ جوہری معاہدے کا انکشاف کردیا ۔معاہدے کے تحت امریکی فورسز کو ملک میں ایٹمی ہتھیار لانے کی اجازت حاصل ہے ۔وزیر خارجہ کتسویا اوکاڈ ا کا کہنا ہے کہ ماہرین گزشہ ماہ کے دوران متعدد دستاویزات کی چھان بین کی ہے جس سے جاپان امریکا جوہری معاہدے کا انکشاف ہوا ہے۔ ماہرین کے مطابق انیس سو ساٹھ کی دہائی سے ٹوکیو نے واشنگٹن کو یہ اجازت دے رکھی ہے کہ وہ اپنے جوہری ہتھیار جنوبی جزیرے اوکی ناوا پر نصب کرسکتا ہے ۔واضح رہے کہ پہلے گزشتہ حکومتیں اس حوالے سے امریکا جاپان معاہدے کی تردید کرتی رہی ہیں ۔