تلفظ کی بدترین ادائیگی پر ابھیشک کیلئے ایوارڈ

نئی دہلی: بالی وڈ میں شہنشاہ تصور کیے جانیوالے امیتابھ بچن نے فلم انڈسٹری میں اپنی اداکاری کالوہا منوایا ہے اور یہی وجہ ہے کہ ان کو بالی وڈ کنگ کے نام سے عام طور پر مخاطب کیا جاتا ہے تاہم اس کے برعکس امیتابھ کے بچن کے صاحبزادے ابھیشک بچن تو فلم انڈسٹری میں نمایاں کارکردگی دکھانے میں کامیاب نہ ہوسکے لیکن انہوں نے بدترین ڈائیلاگ کے تلفظ ادا کرنے والے اداکار کا ایوارڈ ضرور حاصل کرلیا ہے ۔ حیرت کی بات یہ ہے کہ گولڈن کیلہ ایوارڈ پر ابھیشک نے خوشی کا اظہار کیا ہے ۔ ابھیشک کا کہنا ہے کہ کم ازکم ان کی فلم دہلی سکس کوئی ایوارڈ تو حاصل کرنے میں کامیاب ہوئی ۔ابھیشک نے ٹوئٹر پر لکھا ہے کہ یہ ایوارڈ حاصل کرنا بھی ان کیلئے سنگ میل سے کم نہیں ہے ۔پہلے کرینہ کپور بھی بدترین اداکارہ اور ہرمن باویجا بدترین اداکار کی کٹیگری میں یہ ایوارڈ حاصل کرچکے ہیں ۔