کراچی: مجسمہ ساز شاہد کے فن پاروں کی نمائش

کراچی: پاکستان کے ممتاز مجسمہ سازشاہد سجاد کے فن پاروں کی نمائش کراچی میں جاری ہے۔ درختوں کے تنوں سے بنائے گئے مجسمے لوگوں کی توجہ کا مرکز بن گئے۔درختوں کے تنوں سے مجسمے تخلیق کرنے کا جو فن شاہد سجاد کے پاس ہے دنیائے فنون لطیفہ میں کسی اور کے پاس نظر نہیں آتا۔شاہد سجاد کے فن پاروں کو دیکھنے کے بعد مصور کی سوچ اور پوشیدہ جذبات تک رسد حاصل کرنے کی جدوجہد کا آغاز ہوجاتا ہے۔ شاہد سجاد کا شمار فنون لطیفہ کے افق پر ان ستاروں میں کیا جاتا ہے جنہوں نے نہ صرف مجسمہ سازی میں اپنا لوہا منوایا بلکہ مصوری میں بھی رنگوں سے کچھ ایسا تانا بانا بنْا کہ دیکھنے والوں کو دنگ کردیا۔شاہد سجاد کے کانسی سے تیار کردہ فن پاروں کی الگ ہی دنیا آباد کی ہے۔ کہیں ایک ایسا سیارہ بنایا ہے جو پانی کے گرد اور دشمنوں سے محفوظ ہے تو کہیں جالیوں سے خواب کی تعبیر دینے کی کوشش کی ہے۔