لاہور: اسکول بچوں میں مصوری کا مقابلہ

لاہور: لاہور میں جشن بہاراں کے حوالے سے اسکول کے بچوں میں مصوری کا مقابلہ ہوا۔ لاہور آرٹس کونسل میں زیر اہتمام بچوں کے اس مقابلہ مصوری کا موضوع خوش آمدید بہار تھا جس میں لاہور، شیخوپورہ، قصور، سیالکوٹ، گوجرانوالہ، گجرات، کھاریاں، ملتان، اوکاڑہ اور سرگودھا کے مختلف اسکولوں سے تعلق رکھنے والے تین سو سے زیادہ بچوں نے شرکت کی۔ رنگوں سے کھیلنے والے ان بچوں کے چہرے بھی خوشی سے گلنار ہو رہے تھے۔ بچوں کے اس رنگا رنگ پروگرام نے دہشت گردی کے خوف کے سائے دور کرکے بچوں کو عزم و حوصلہ عطا کیا اور انہیں آگے بڑھنے کی جرات بخشی۔ مقابلے کے ججز نے اس پروگرام کو بچوں کی ذہنی تربیت کا ایک لازمی جزو قرار بچوں نے مصوری کے اس مقابلے میں واٹر کلر، پوسٹر کلر، کولاج، کلے، پیسٹنگ، اور مکس میڈیم استعمال کرکے خوبصورت فن پارے تخلیق کئے جو والدین اور ان کے اساتذہ کی محنت کا نتیجہ تھے۔