حکومت فلمی صنعت کیساتھ مخلص ہے،نعیم طاہر

لاہور: فلم انڈسٹری کی بحالی کے لئے حکومتی مشیر نعیم طاہر نے کہا ہے کہ موجودہ حکومت فلمی صنعت کے ساتھ مخلص ہے اور وہ اسے پھلتا پھولتا دیکھنا چاہتی ہے۔ وہ شاہ نور اسٹوڈیو کے مالک شہنشاہ رضوی کی جانب سے یونائیٹڈ فلم ایسوسی ایشن کے عہدیداران کو دیئے گئے استقبالئے میں فلمی شخصیات سے خطاب کر رہے تھے۔ انہوں نے کہا کہ حکومت لیبارٹری سمیت دوسری تکینکی سہولتیں مہیا کرنا چاہتی ہے۔ انہوں نے کہا کہ حکومت اور فلم میکرز کو مل کر پبلک پرائیویٹ پارٹنر شپ کے تحت ترقیاتی ادارہ قائم کرنا چاہیے تا کہ نیف ڈیک کا تجربہ دوبارہ نہ دھرایا جا سکے۔ اس تقریب سے ایسوسی ایشن کے چیئرمین میاں امجد فرزند ، وائس چیئرمین غلام محی الدین اور دیگر عہدیداران نے بھی خطاب کیا۔ اس موقعے پر جلد نمائش کے لئے پیش کی جانے والی فلم ''بھائی لوگ'' کا پرومو بھی حاضرین کو دکھایا گیا۔